Пиянзина Галина Викторовна Ресейде, Брянск қаласында дүниеге келген. Соғыс басталған жылы небәрі 4 жастағы сәби болатын, соғыстың ауыр жылдары еміс-еміс есінде. Әсіресе, отбасымен бомбылау кезінде тығылар жер таппай, далаға қашқандары есінде сақталып қалған. Бірде, бауыры екеуі құлаған төбенің астында қала жаздаған... Мектепті Брянск қаласында бітірді.

1954 жылы Қазақстанда жаппай тың игеру басталады. КСРО-ның түкпір-түкпірінен біздің елге келген жастардың арасында Галина Пиянзина да болды. Семейге келіп, далада жұмыс істеді. Осы жерде болашақ жарын кездестіріп, екеуі отбасын құрды. Кейін экономист мамандығын игеріп, зейнет демелысына шықанға дейін осы мамандығы бойынша қызмет істеді.

Өкінішке орай, Галина Викторовна жуырда инсульт алып, ажал аузынан аман қалды. Бүгінде қария дәрігерлердің көмегімен аяғына тұрып келеді.