Аманчина Нағима 1936 жылғы 7 тамызда Қарағанды облысында дүниеге келген. Туған жері ауылды мекен болғандықтан, балалық шағы егіс даласында өтті. Соғыс жылдары есінде жақсы сақталған. Ауыл балалары жартылай аш, жартылай жалаңаш, үлкендермен бірге егістікте болатын. Әлі есінде, қолына қайшы алып, комбайн ала алмаған бидайдың масақтарын қайшымен қырқып, жинап, колхозға өткізетін.

Мектеп жасына келгенде, ауылда мектеп болмағандықтан оқи алмады. 1948 жылы анасы қаладағы мектепке береді. Туыстарының қолдында тұрып, 18 жасында мектепті бітіреді. Алғашқы жылы институтқа құжаттарын беруге үлгермей, пивзаводқа жұмысқа кіреді.

Негізі, Нағаима апайдың мамандығы – мұғалім, ЖенПИ-дің филология факультетін бітірген, орыс тілі мен әдебиетінің мүғалімі. Бірақ, еңбек жолын білім саласында емес, Алматыдағы Казгидромет жобалау институтында бастады. Сол мекемеде 1965 жылдан бастап еңбек демалысына шыққанша жұмыс істеді. 4 баланың анасы, Немере-шөберелері бар.